Indrit Cela, guzhinieri i njohur, u dhunua fizikisht me sende të forta pasditen e së shtunës nga dy persona. Policia ka zbardhur ngjarjen e paprecedentë, ndërsa sqaron se Cela u sulmua nga dy vëllezër, Ernest dhe Donald Luka. Sipas njoftimit, kuzhinieri dhe vëllezërit kanë pasur një konflikt të mëparshëm për motive të dobëta, ndërsa arsyeja e sulmit të pasdites së kaluar lidhet pikërisht më këtë fakt. Ernesti njëri nga vëllezërit u arrestua mbrëmjen e djeshme, ndërsa Donaldi ka mundur të arratiset dhe është shpallur në kërkim. Konflikti ndodhi rreth orës 18:30, në aksin rrugor Fushë Krujë - Rinas, në vendin e quajtur “Ura e Gjoles”. Dy vëllezërit I bllokuan rrugën Celës me automjetin e tyre dhe e goditën atë me sende të forta duke i shkaktuar dëmtime të rënda fizike. Aktualisht, kuzhinieri ndodhet në spital për ndihmë mjekësore. Materialet hetimore i kaluan Prokurorisë së Rrethit Gjyqësor Krujë, për veprime të mëtejshme, për veprën penale “Plagosje e rënde me dashje”, e kryer ne bashkëpunim.