14 persona humbën jetën dhe 2 të tjerë u plagosën rëndë, pas rrëzimit të një helikopteri në Azerbajxhanin lindor. Lajmi u bë me dije nga rojet kufitare vendase, ndërsa theksohet se ngjarja e rëndë është regjistruar mëngjesin e kësaj të marte, në aeroportin Garaeibat në rajonin Hizi të Azerbajxhanit gjatë një fluturimi stërvitor. Mediat vendase menjëherë raportuan për numrin e viktimave që humbën jetën tragjikisht pas rënies së helikopterit, ndërsa theksohet se ende nuk është bërë me dije shkaku që shkaktoi këtë tragjedi të rëndë. Për momentin dy agjensi kanë marrë nën hetim cështjen, ndërsa ende nuk ka dalë në pah shkaku i tragjedisë së rëndë. Incidenti vjen dy javë pas përleshjeve vdekjeprurëse midis Armenisë dhe Azerbajxhanit që kërcënuan të prishnin armëpushimin që i dha fund luftës midis dy vendeve vitin e kaluar, duke vrarë të paktën 6,500 njerëz.Tensionet u përshkallëzuan në maj kur Armenia akuzoi Azerbajxhanin për shkeljen e kufirit për të kapur territorin në brigjet e liqenit Sev, të cilin dy vendet ndajnë.