Air India është paralajmëruar nga rregullatori i aviacionit të Indisë se mund të përballet me masa ndëshkuese për shkeljen e standardeve të sigurisë në lidhje me menaxhimin dhe trajnimin e lodhjes së ekuipazhit.Linja ajrore i raportoi vetë problemet, të cilat u panëkëtë vit dhe vitin e kaluar, në Drejtorinë e Përgjithshme të Aviacionit Civilmuajin e kaluar, vetëm disa ditë pasi një nga Boeing-ët e saj 787 Dreamliner u rrëzua në qytetin Ahmedabad, duke vrarë 260 persona.Katër njoftime qeveritare, të datës 23 korrik, kritikuan Air India-n për dështime të përsëritura në fushën e sigurisë dhe këto njoftime pasojnë shumë paralajmërime të tjera në të kaluarën. Masat, mund të përfshijnë gjoba ose urdhër që drejtuesit të largohen nga puna.Njoftimet e fundit përmendin 29 shkelje, duke përfshirë lejet e padhëna të pilotëve, trajnime të mangëta në simulatorë, mungesë trajnimi për aeroportet me lartësi të madhe dhe kryerja e udhëtimeve ndërkombëtare me ekuipazh të pamjaftueshëm kabine. Air India është vënë nën shënjestër që nga aksidenti në Ahmedabad, i cili shënoi edhe katastrofën më të rëndë të aviacionit në botë, në një dekadë.Një raport paraprak zbuloi se çelësat e kontrollit të karburantit u aktivizuan pothuajse njëkohësisht pas ngritjes dhe kishte konfuzion në kabinën e pilotit. Pas gjetjes së kutive të zeza u zbardhën edhe komunikimet në kabinë, ku njëri prej pilotëve kishte pyetur tjetrin pse kishte ndërprerë karburantin ndërsa tjetri përgjigjej se nuk e kishte bërë këtë.