Italia është tronditur nga lajmi I vrasjes së ambasadorit të saj në republikën e Kongos, Luca Attanasio, I cili vdiq së bashku me një karabinier që ishte pjesë e eskortës dhe shoferin e diplomatit të lartë. Makina me të cilën po udhëtonin ishte pjesë e një autokolone e misionit të OKB-së për stabilizimin e vendit afrikan. Ajo u sulmua pranë qytetit të Gomas. Burime lokale thonë se bëhet fjalë për një pritë nga ana e ribelëve hutu të Frontit për Clirimin e Ruandës. Pasi qëlluan shoferin, agresorët kanë marrë ambasadorin Luca Attanasio dhe karabinierin Vittorio Iacovacci, dhe I kanë cuar në pyll ku I kanë ekzekutuar. 30 vjecari Iacovacci e kishte filluar punën pranë misionit diplomatik Italian vetem shtatorin e vitit 2020. Sipas zyrtarëve të Republikës Demokratike të Kongos, sulmi besohet të ketë qenë një përpjekje rrëmbimi. Grupet paraushtarake përleshen rregullisht në lindje të këtij vendi, ku një forcë e madhe e Kombeve të Bashkuara po lufton për të mbajtur paqen.