Teksa ka nisur punën për ndeshjet e Nations League, trajneri Rolando Maran bën një rrëfim ndryshe për jetën e tij në Shqipëri teksa në një intervistë për kanalet zyrtare të FSHF ka folur për përshtypjet e tij për Shqipërinë, rutinën dhe mikpritjen që gjeti në vendin tonë. Një intervistë që nis me atë çfarë bën në mëngjes, punën e tij në Federatë Maran: Zgjohem herët, zakonisht rreth orës 7, ndoshta edhe më herët, por ky është orari i zakonshëm në të cilin zgjohem. Gjëja e parë që kërkoj është një hapësirë të jashtme, çfarëdo qoftë ajo. Ose hap një dritare, dal në tarracë apo në kopsht, por gjëja e parë që bëj është të dal në një ambient të hapur dhe menjëherë pas kësaj vij në Federatë. Nuk kam një orar të përcaktuar, por pasi ha mëngjesin, nisem, bëj shëtitjen time deri këtu, arrij dhe filloj përgatitjet për këto ndeshje. Maran foli më pas për atë cfarë i pëlqen nga puna e tij duke përshkruar edhe ditën perfekte kur është i lirë Maran: Puna ime lind nga pasioni, ndaj është e qartë që, duke qenë një pasion, më pëlqen gjithçka. Gjithçka nisi që kur luaja futboll si fëmijë dhe përpiqesha të bëhesha futbollist. Pastaj ia dola dhe tani jam trajner; në këtë rast jam trajner i kombëtares. Kjo më mbush me krenari dhe, mbi të gjitha, bëj atë që më pëlqen. Dita ime perfekte? E dua shumë natyrën dhe ambientin e hapur, ndaj dua të jem gjithmonë jashtë. Varet edhe nga stina. Nëse është dimër, kërkoj vende ku ka sa më shumë borë, sepse ndoshta mund të bëj edhe ski. Ronaldo Maran më pas tregoi se çfarë e kishte surprizuar më shumë në Shqipëri dhe se çfarë pëlqen më shumë te shqiptarët