Mund të jetë dukur si një mbledhje rutinë dhe e mërzitshme e Kombeve të Bashkuara, por një takim, këtë javë në gjenevë, u ndoq me interes nga ekspertët e inteligjencës artificiale, strategëve të ushtrisë, carmatimit dhe ligjit humanitar. Arsyeja e këtij interesi? Robotët vrasës, dronët, armët dhe bombat që vendosin vetë, me tru artificial, nëse do të sulmojnë dhe vrasin. Cështja është, cfarë duhet bërë, të krijohen rregullore apo të ndalohen ato. Pasi fillimisht u shfaqën në filma fantashkencorë si Terminatori, Robocopi etj, robotët vrasës, që teknikisht njihen si sisteme armatimi autonome dhe vdekjeprirëse, janë bërë tashmë realitet, janë shpikur dhe testuar me ritme të shpejta, pa shumë mbikqyrje. Disa prototipe madje janë përdorur edhe në konfliktet aktuale. Evoluimi i këtyre makinave po konsiderohet një event ndoshta sizmik në fushën e luftës, i ngjashëm me shpikjen e barutit dhe bombave bërthamore. Këtë vit, për të parën herë, 125 shtete, pjesë e konventës për sigurinë e armëve konvencionale, thanë se donin masa mbi robotët vrasës. Por ato kundërshtohen nga anëtarë që po i zhvillojnë këto armë, kryesisht SHBA dhe Rusia. Opinionet janë të ndryshme për sa i takon përcaktimit ekzakt, por robotët vrasës konsiderohen gjerësisht si armë që marrin vendime me pak apo aspak përfshirje njerëzore. Përmirësimet e shpejta në robotikë, inteligjencën artificiale dhe njohjen e imazhit po i bëjnë armatime të tilla të mundshme. Dronët që shba ka përdorur gjerësisht në Afganistan, Irak apo vende të tjera, nuk konsiderohen robotë sepse ata operohen në distancë nga njerëz që zgjedhin shënjestrën dhe vendosin se cfarë duhet bërë. Për planifikuesit e luftërave, robotët vrasës janë një mënyrë për ti mbajtur ushtarët të padëmtuar apo për të marrë vendime në një kohë më të shpejtë sa cmund ta bëjë një njeri, duke u dhënë më shumë përgjegjësi luftarake sistemeve autonome si dronë pa pilotë, tanke pa pilot, që mund të vendosin vetë kur duhet të godasin. Kritikët ndërkohë argumentojnë se është moralisht e papranueshme që ti japësh vendime të tilla, makinave, pavarësisht sofistikimit teknologjik. Si mundet një makinë – thonë ata – të bëjë dallimin e një të rrituri nga një fëmijë, një luftëtari me bazukë në dorë nga një civil që në duar ka një fshesë...etj.