Vijon puna për rindërtimin e ish godinës së ATSH-së në Bulevardin “Zogu i parë”, pas shembjes si pasojë e dëmtimeve nga tërmeti i 26 nëntorit të vitit 2019. Kryebashkiaku Erion Veliaj inspektoi punimet, nga ku u shpreh se gjatë këtij procesi godina do të ruajë disa element identifikues që arkitekti Maks Velo i kishte përdorur. Veliaj: “Jam vërtet entuziast për punën që ka bërë skuadra këtu. I vlerësoj jashtë mase, jo vetëm stafin shqiptar, por edhe stafin që vjen nga India. Ka aq shumë kantiere në Tiranë saqë nuk përballohet dot më forcën punëtore të Tiranës dhe gjithmonë e më shumë do të shohim stafe të huaja. Këtu kemi punuar edhe gjatë gushtit, kur shumica e njerëzve shkonin me pushime. Kjo është një zyrë e re, e cila njihej më përpara si ‘pallati i Maks Velos’. Ende s’ka përfunduar, ne po i bëjmë me porosi pllakat që stilizonin dy katet e para të pallatit, ashtu siç i kishte bërë Maksi” Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.