Top News- Rikthimi i sportistëve rusë e bjellorusë / Bach-Për Lojërat Olimpiket s’kemi vendosur ende

Vendimi për pjesëmarrjen apo jo të sportistëve rusë e bjellorusë në Lojërat Olimpike të Parisit në 2024 dhe atyre Dimërore të Milano-Cortinës në 2026 do të merret në momentin e duhur. kjo është ajo që deklaroi presidenti i Komitetit Olimpik ndërkombëtar, Thomas bach në përfundim të ditës së parë të mbledhjes së Komitetit Ekzekutiv të këtij institucioni në Lozanë. Në një konferencë për shtyp, bach tha se Federatave ndërkombëtare iu sugjerua në mënyrë unanime që të lejojnë kthimin e sportistëve rusë dhe bjellorusë në aktivitete pas sanskioneve të 28 shkurtit të vitit 2022 me përjashtim nga kompeticionet për shkak të pushtimit rus të Ukrainës. 'Përpara se të marrim një vendim për Olimpiket, do të verifikojmë në periudhën më të gjatë të mundshme, pasi të shohim nëse dhe sesi do të merren në konsideratë rekomandimet nga të gjitha palët e interesuara-tha Bach-por nuk do të ishte gjëja e duhur fiksimi i afatece të sakta. Asnjë nuk e di se cfarë do të ndodhë nesër apo pas 9 muajsh. por ka kompeticione në disa disiplina sportive ku sportistët rusë e bjellorusë kanë marrë pjesë rregullisht dhe në aspektin e sigurisë nuk janë vënë re incidente'.