Për të tretën herë radhazi restoranti i shqiptarit i pozicionuar në Kopenhagë është cilësuar sërish si restoranti më i mirë në botë. Restoranti ‘Noma’, në pronësi të shqiptarit Rene Rexhepi është përzgjedhur si më i miri nga 800 kuzhinierë, gazetarë, kritikë ushqimesh e pronarë lokalesh. Prej disa vitesh, ‘Noma’ është në majat e suksesit, ndërsa disa herë ka qarkulluar në mediat e huaja botërore, duke u njohur si një nga vendet me ushqimin më të mirë, shërbim të mirë dhe ambient të këndshëm. Rene Rexhepi, është me origjinë nga fshati Xhepcishtë I Tetovës së Maqedonisë. Me një baba shqiptar dhe nënë danezë, ky I fundit ka lindur në Konpengahë, aty ku edhe po shijon suksesin. Rexhepi thotë se suksesi i tij ka ardhur si pasojë e krijimit të ushqimeve të shijshme me përbëres të prodhuar në vend, dhe kjo është një nga faktorët kryesorë që e bën restorantin e tij akoma më të vecantë. Kuzhina e tij është e mbushur me shefa të aftësive të jashtëzakonshme, që kanë arritur me shumë mund të fitojnë besimin e pronarit. Kuzhina e tij përshkruhet si nordiko-skandinave, një përpjekje e Rexhepit për të ripërvijuar ushqimin nordik, më shumë si interpretim të atij vet, se sa si pjatë klasike, e shoqëruar kjo me një servirje të jashtëzakonshme për nga fantazia e ngjyrave dhe formave.Peshku i tharë, harengat e tymosura, vaji e lëkura e balenës, janë ndër artikujt e ruajtur në këto depo, përpara se të nxirrej në shitje. Për disa vite resht revista “Restaurant” e ka renditur “Nomen” në krye të listës së restoranteve më të mirë të botës.