Një burrë që shkoi tek mjekët me dhimbje të padurueshme stomaku, kishte një numër rekord prej 156 gurësh në veshka të cilët iu hoqën pas një operacioni të gjatë. Mjekët e bënë zbulimin shokues pasi pacienti 50 vjecar, mësues shkolle, u paraqit në një spital në Hyderabad në Indi. Ky është numri më i lartë i gurëve në veshka që i është hequr ndonjëherë një pacienti në vend – thanë doktorët. Shefat e spitalit thanë se burri kishte patur papritur dhimbje në stomak dhe testet e kryera treguan një sasi të madhe gurësh në veshkë. Por kishte akoma më shumë lajme të këqia për pacientin. Mjekët zbuluan se gurët ishin në stomakun e tij dhe jo në pozicionin normal në traktin urinar. Kjo do të thoshte se ata do të duhej të kryenin domosdoshmërisht një operacion. Mjekët thanë se pacienti mund ti kishte zhvilluar këta gurë për më shumë se dy vite por nuk kishte përjetuar dhimbje të tilla në të shkuarën. Sidoqoftë, dhimbja e papritur e detyroi atë ti nënshtrohej ekzaminimeve dhe përfundimi i pashmangshëm ishte operacioni që zgjati për tre orë. Gurët në veshka përbëhen nga kimikate që duhet të largohen me urinën. Ata mund të jenë shumë të dhimbshëm dhe mund të shkaktojnë infektime apo edhe të dëmtojnë veshkat nëse nuk trajtohen.