Raportuesi për Shqipërinë në Parlamentin Europian, Andreas Schieder ka reaguar me shqetësim në lidhje me protestën studentore në Shqipëri, që e lidh edhe me valën e protestave të ngjashme që kanë përfshirë disa vende të Europës. Në të gjithë Europën, të rinjtë kanë dalë në rrugë, që nga Parisi, Berlini dhe deri në Tiranë. Po luftojnë për një edukim më të mirë dhe mundësi të barabarta për të gjithë. Kjo është e mirë dhe e drejtë dhe duhet të nxihë një ndryshim në qëndrimin e qeverive. Edukimi është kapitali ynë më i rëndësishëm për të ardhmen dhe ai nuk duhet të varet nga xhepat e prindërve. Megjithatë, dhuna nuk është kurrë zgjidhje, as kur ajo vjen nga individë të agresivë që miklohen me protestuesit, as kur vjen nga shteti apo policia. Si raportues për Shqipërinë, po ndjek në veçanti me shqetësim zhvillimet në Tiranë dhe bëj thirrje për një ndërprerje të menjëhershme të përshkallëzimit të situatës. Të premten, edhe Ambasada e SHBA në Tiranë dënoi dhunën dhe bëri thirrje për protesta paqësore dhe vetëpërmbajtje.