Prej vititet 2020, kur strukturat e posaçme kundër korrupsionit dhe krimit të organizuar u bënë funksionale, numri i zyrtarëve të lartë që janë marrë të pandehur nga prokuroria e posaçme, apo që janë dënuar nga gjykatat e posaçme ka ardhur në rritje. Por, ajo që bie në sy sipas një raporti të Qendrës për Studimin e Demokracisë dhe Qeverisjes është rënia e konfiskimit të pasurive të paligjshme në krahasim me vitin 2020. Qendra thotë se në vitin 2020, vetëm katër zyrtarë të lartë ishin nën hetim nga SPAK nga totali prej 218 të tillës. Në vitin 2023, shifra u rrit në 18 nga 212 në total, duke përbërë 8.5 për qind të numrit të të akuzuarve. Shifrat e raportit tregojnë për një përpjekje të vazhdueshme të institucioneve të reja të drejtësisë për të vënë para përgjegjësisë ligjore zyrtarët e lartë.