Duke iu referuar një raporti të UNDP, ish-deputetja e Partisë Demokratike, Jorida Tabaku shprehet se Shqipërisë i janë shtuar plot 230 mijë të varfër nga keqqeverisja dhe korrupsioni. Nëpërmjet një spostimi në rrjetet sociale Tabaku thotë se vendi ynë po përjeton një krizë të thellë sociale dhe shëndetësore. ‘UNDP është një tjetër institucion ndërkombëtar që konfirmon mjerimin ku qeveria i la shqiptarët. Nëse qeveria s'do kish harxhuar paratë e marra borxh, taksat e cdo burim tjetër të ardhurash për tendera e koncesione korruptive e për bojatisje qytetesh qe sot janë zbrazur, nese taksat e rritura të shqiptarëve nuk do shpërdoroheshin dhe vidheshin, atëherë shpenzimet për shëndetësinë nuk do të ishin më të ulëtat në rajon, paketat e ndihmës ekonomike nuk do të ishin më të ulëtat në Ballkan sa 0.86% e PBB-së.