Partitë e reja politike konsiderohen pa risi dhe eksperiencë nga kryesocialisti Edi Rama. Duke u ndalur tek emrat e kandidatëve që KQZ-ja dërgoi për verifikim në prokurori, Rama u shpreh se për këto parti e vetmja mënyrë për të plotësuar listat ishte vendosja e familjarëve, pa marrë parasysh dekriminalizimin. Rama: “Tani thonë që kanë dalë ca parti të reja. Po ça të reja? 17 kishin për dekriminalizim, ça të reja? Unë vetë personalisht, të rrimë shtrembër e të flasim drejt, nuk mendoj që ata janë bashkëpunëtorë të krimit, po mbushur me njerëz problematikë listat. Ata s’e kanë ditur se ato janë parti merr babën, merr nonën, merr çunin e tezes, mbarojnë dhe kushërinjtë pastaj hajde kë të shkojmë të kapim ndonjë tjetër. Kap këtej, kap andej dhe ju dalin dhe atyre kukumjaçka, iu dalin lloj-lloj insektesh nga ato me probleme që i kemi hequr vetë në të shkuarën.”