“Kryeministri Edi Rama u rikthye në zyrën e tij të punës, pas disa ditëve pushim. Të majtet presin mbledhjen e asamblesë, momentin kur kreu i ekzekutivit do bëjë me dije emrat e kabinetit të ri qeveritar. Për shkak të prioriteteve të reja të qeverisë ‘Rama 4’ nuk përjashtohet mundësia e ndryshimeve edhe në mënyrën e ndarjes së dikastereve, teksa pritet një rifreskim i emrave që do i drejtojnë.” Java e fundit e gushtit e gjeti Ramën me takime kokë më kokë me eksponentë të Partisë Socialiste, qoftë ministra aktualë po ashtu edhe me ata të cilët nuk mblodhën mjaftueshëm vota për t’u rizgjedhur deputetë, megjithëse për ta Rama ka premtuar në mbledhjen në Pallatin e Brigadave se mund të riintegrohen në përputhje me objektivat e mandatit të katërt, ndaj nuk përjashtohet mundësia në jenë në qeveri apo edhe në drejtoritë e institucioneve të varësisë.