Kievi njoftoi mbërritjen e sistemeve të para të armëve me rreze të gjatë, të dhuara prej SHBA-së, që Ukraina ka pritur prej muajsh. Ministri ukrainas i Mbrojtjes, Oleksiy Reznikov, tha se Sistemet e armëve të Artilerisë me Lëvizshmëri të Lartë (HIMARS), ndihmë nga Shtetet e Bashkuara, janë tani në Ukrainë. Ai shprehu falënderimet e tij për Sekretarin amerikan të Mbrojtjes, Lloyd Austin, “për këto mjete të fuqishme” duke thënë se janë më të nevojkshme se kurrë pas përparimit të ushtrisë në Lindje. Nuk dihet ende se kur raketat HIMARS kanë arritur në vend ose nëse këto armë po përdoren tashmë në vijën e frontit.