Rusia nuk do t’ia dijë për "ultimatumin teatral" të Presidentit të Shteteve të Bashkuara të Amerikës, Donald Trump për shtimin e sanksioneve nëse Moska nuk pranon një marrëveshje paqeje me Ukrainën, tha të martën një zyrtar i lartë i sigurisë. Trump, i ulur pranë Sekretarit të Përgjithshëm të NATO-s Mark Rutte në Zyrën Ovale, të hënën, njoftoi se do të dërgonte armë të reja në Ukrainë dhe kërcënoi me tarifa prej 100% blerësit e eksporteve ruse, ku nafta bruto zë një pjesë të madhe. Presidenti amerikan shprehu gjithashtu zhgënjim me Vladimir Putinin, duke thënë se nuk donte ta quante udhëheqësin rus "një vrasës, por ai është një njeri i ashpër". "Trump i dha një ultimatum teatral Kremlinit," tha ish-Presidenti rus Dmitry Medvedev në një postim në platformën X. "Bota u drodh, duke pritur pasojat. Evropa luftarake u zhgënjye. Rusisë nuk i intereson."