Banorët e fshatrave polakë, pranë kufirit me Ukrainën, kanë parë prej javësh autokolona mjetesh ushtarake me tanke të ngarkuar mbi ta...Destinacioni merret lehtë me mend. Të gjithë këto tanke nevojiten në fushëbetejë në muajt dhe javët e ardhshme. Ukraina ka bërë të ditur se po përfundon tani përgatitjet për kundërsulmin e paralajmëruar muaj më parë. Pritshmëritë e Ukrainës janë që ajo të sjellë kthesën në luftën e lodhshme të llogoreve dhe të dëbojë Rusinë nga territoret e pushtuara. E kjo mund të jetë një betejë vendimtare. Shumëkush flet për një qetësi para stuhisë në Ukrainë. Aktualisht, po luftohet më shumë se kudo tjetër në Bakhmut. Qyteti është i rrethuar prej muajsh dhe një pjesë e madhe e tij ndodhet nën kontroll rus, megjithëse ushtria ukrainase nuk lëshon pe. Sidoqoftë, arkivolët që vijnë që andej janë të shumë të numër. Në mediat ukrainase, për kundërsulmin flitet cdo ditë, por vetë autoritetet heshtin. Përgjigjia më e rëndomtë e tyre është: Prisni...!