Rusia tha se disa sanksione perëndimore duhet të hiqen përpara se të fillojë një armëpushim detar me Ukrainën. Brenda pak orëve pasi SHBA njoftoi se të dy palët kishin rënë dakord të ndalonin sulmet në Detin e Zi në marrëveshje të veçanta, Kremlini tha se kjo do të ndodhte vetëm pasi të hiqen sanksionet ndaj një numri bankash ruse. Kërkesat përfshijnë heqjen e sanksioneve ndaj bankës shtetërore bujqësore Rosselkhozbank dhe rikthimin e aksesit të kompanive në sistemin ndërkombëtar të pagesave Sëift. Gjatë natës, Moska kreu një sulm me dron në qytetin port të Mykolaivit, thanë zyrtarët ukrainas, me presidentin Volodymyr Zelensky që theksoi se sulmet ishin "një sinjal i qartë" se Rusia nuk dëshiron paqe.