Presidenti rus Vladimir Putin ka shpallur një tjetër armëpushim të përkohshëm në Ukrainë për Ditën e Fitores së Rusisë, ndërsa durimi i Presidentit amerikan Donald Trump po mbaron. Një armëpushim katër-ditor në Ukrainë do të fillojë nga mesnata e 8 majit deri më 11 maj, përgjatë festimeve të 80-vjetorit të fundit të Luftës së Dytë Botërore. Kremlini tha në Telegram se Rusia "beson se pala ukrainase duhet ta ndjekë këtë shembull". "Në rast të shkeljes së armëpushimit nga pala ukrainase, Forcat e Armatosura të Federatës Ruse do të ofrojnë një përgjigje adekuate dhe efektive. Pala ruse deklaron edhe një herë gatishmërinë e saj për negociata paqeje pa parakushte, që synojnë eliminimin e shkaqeve rrënjësore të krizës ukrainase dhe bashkëveprim konstruktiv me partnerët ndërkombëtarë", thuhet më tej në njoftimin e kremlinit. Ukraina ndërkohë nuk ka reaguar ende.