Vladimir Putin po përdor tani ushtarë me kuaj në luftën e tij në Ukrainë, ndërsa raportohet se ushtria e tij ka mungesë automjetesh. Në një përpjekje të dëshpëruar për të mposhtur trupat e Volodymyr Zelenskit, ushtarëve rusë po u mësohet tani se si të kalërojnë dhe të luftojnë mbi kuaj. Këta të fundit do të përballen me plumbat në fushëbetejë duke u bërë pjesë e operacioneve në vijën e frontit në një përpjekje për të kompensuar mungesën e automjeteve ushtarake. Mediat britanike shkruajnë se do të ketë dy ushtarë mbi një kalë, njëri do të mbajë frerët dhe tjetri do të përdorë armën. Pavarësisht përdorimit të teknologjive gjithnjë e më të sofistikuara, sic janë raketat hipersonike apo avionët e avancuar, kuajt mund të jenë më efikasë në disa misione se cdo pajisje tjetër ushtarake. Është raportuar më herët se gomerë janë parë duke transportuar furnizime për trupat ruse, por ata u zëvendësuan me kuaj. Duke u kthyer pas në kohë, 13 divizione kalorësie ishin pjesë e Ushtrisë së Kuqe në fillim të Luftës së Dytë Botërore. Megjithatë, përdorimi i fundit i njohur i kuajve në luftë, nga Bashkimi Sovjetik, ishte në vitin 1955.