Rusia do të sulmojë Ukrainën nëse NATO nuk do të japë garanci se vendi nuk do të pranohet në aleancë, paralajmëroi një ndihmës i lartë i Vladimir Putinit. Kërcënimi nga një këhsilltar i lartë i Kremlinit është më i ashpri deri më tani dhe ka ndezur sërish frikën se një pushtim mund ti shtyjë aleatët perëndimorë drejt Luftës së Tretë Botërore. Kjo vjen pasi Rusia ka mbledhur rreth 100 mijë trupa në kufi dhe shefat e zbulimit ukrainas besojnë se një pushtim i plotë është planifikuar për në janar. Ukraina konfirmoi të enjten se kishte lëshuar raketat amerikane Anti tank Javelin në rajonet e kontrolluara nga rebelët e mbështetur nga rusia, në konfrontimet më të fundit në rajonin separatist të Donbashit. Në mesin e tensioneve në rritje, aleati i Putinit, Fyodor Lukyanov paralajmëroi për një konflikt të ri nëse NATO do të zgjerohet akoma më në lindje. Lukyanov, president i këshillit rus të punëve të jashtme, që këshillon kremlinin, e bëri të qartë edhe se Moska do të kërkonte më shumë se garanci verbale nga NATO për këtë.