Administrata Biden po vlerëson dërgimin e këshilltarëve ushtarakë dhe pajisje të reja përfshirë armatime në Ukrainë, ndërsa rusia grumbullon trupat afër kufirit dhe zyrtarët amerikanë përgatisin aleatët për mundësinë e një pushtimi tjetër rus. E gjithë kjo është konfirmuar për CNN nga burime të afërta me administratën amerikane. Diskutimet për ndihmat mbi ukrainës ndodhin ndërsa Kievi ka nisur të paralajmërojë publikisht se një pushtim mund të ndodhë që në janar. Paketa do të përfshijë raketa të reja anti tank dhe anti blindë Javelin si edhe mortaja, thanë burimet. Sistemet e mbrojtjes ajrore, si raketat stinger po ashtu po merren në konsideratë dhe departamenti i mbrojtjes ka këmbëngulur për disa pajisje që duhet të kishin shkuar në afganistan, si helikopterë Mi-17, të dërgohen tani në Ukrainë. Mi-17 është një helikopter rus që shba e bleu fillimisht për tia dhënë afganëve. Tani pentagoni po vlerëson se cfarë duhet të bëjë me ta pas tërheqjes amerikane nga afganistani në gusht.Por të tjerë në administratë janë të shqetësuar se dërgimi i stingerave dhe helikopterëve mund të shihet nga rusia si një përshkallëzim i madh. E ndërkohë, zyrtarët amerikanë kanë zhvilluar bisedime me aleatët evropianë për të hartuar një paketë të re sanksionesh që do të hynin në fuqi nëse Rusia pushton ukrainën. E pyetur për aktivitetin ushtarak rus, sekretarja për shtypin e shtëpisë së bardhë, jen Psaki i tha gazetarëve të hënën se administrata është e shqetësuar dhe ka diskutime të zgjeruara me aleatët evripianë dhe partnerët këto javë të fundit.