Top News-Pse zgjodhi Putin ‘kasapin’ e Alepos!/Gjenerali që mund ta kthejë Ukrainën në Sirinë e dytë

Gjenerali rus i emëruar nga Vladimir Putin për të udhëhequr përpjekjet për të rifilluar pushtimin e Ukrainës luajti një rol të rëndësishëm në luftën siriane, ku forcat nën komandën e tij ishin përgjegjëse për krime kundër popullsisë civile dhe shpesh akuzoheshin për kryerjen e krimeve kundër njerëzimit. Gjenerali Aleksandr Dvornikov, 60 vjeç, është përshkruar si një gjeneral i "shkollës së vjetër" dhe një "nacionalist i gjakut dhe i tokës", i cili vepron në bazë të doktrinvr ushtarake sovjetike. Një oficer ushtarak karriere, ai është ngritur vazhdimisht nëpër grada që kur filloi si komandant toge në 1982. Ai luftoi gjatë luftës së dytë në Çeçeni dhe mori disa poste të larta përpara se të vendosej në krye të trupave ruse në Siri. Dvornikov u dërgua nga Putin në shtator 2015 në një mision urgjent për të stabilizuar pozicionin e forcave të regjimit sirian, për të cilët Teherani dhe Moska besonin se ishin në prag të rënies nga opozita.