Mariuopoli është qyteti më i shkatërruar dhe më I bombarduar nga forcat ruse, ndërsa sulmet në këtë vend, tregojnë se Mariupoli është kthyer në objektivin kryesor të Rusisë. BBC ka renditur 4 arsye kryesore se pse marrja e këtij qyteti-port do të ishte një fitore strategjike për Rusinë dhe një goditje e madhe për Ukrainën. Qyteti i Mariupolit është vetëm një zonë e vogël në hartë, por tani shërben si rrugëkalim për forcat ruse në Detin e Zi si dhe nëse Mariupol do të kapej nga forcat ruse, Rusia do të merrte në kontroll të plotë më shumë se 80% të vijës bregdetare të Ukrainës në Detin e Zi, duke ndërprerë kështu tregtinë e saj detare dhe duke e izoluar më tej atë nga bota. Së dyti, humbja e Mariupolit do të ishte një goditje e madhe për ekonominë e Ukrainës. BBC ka rënditur edhe mundësinë re propagandës në shkatyërrimin e Mariupolit. Mariupoli është shtëpia e një njësie të milicisë ukrainase të quajtur Brigada Azov. Kjo Brigadë përbëhet nga ekstremistë të djathtë, duke përfshirë dhe neonazistë. Megjithëse ata përbëjnë pjesën më të vogël të forcave luftarake të Ukrainës, ky ka qenë një mjet i dobishëm propagande për Moskën, duke i dhënë asaj një pretekst për t’i thënë popullatës ruse se të rinjtë që ajo ka dërguar për në Ukrainë, janë atje për të luftuar dhe mbrojtur fqinjin e tyre nga neonazistët. Dhe së fundi, nëse Rusia fiton në Mariupol, do t’i mundësonte Kremlinit t’i tregonte popullatës së vet se Rusia po i arrin qëllimet e saj dhe po bën përparim.