Kushdo që ka investuar disa mijëra euro në bitcoin në vitin 2013, ka kriptovaluta me vlerë disa milionë sot. Një portofol joaktiv prej më shumë se 8 vjetësh, në të cilin ishin ruajtur 321 bitcoin, ka shkaktuar diskutime të shumta pas aktivizimit të papritur të tij. Me këtë numër të bitcoin, pronari ka tani një nga llogaritë më të mëdha që njihen si “balena” në botën e kriptovalutave. Bitcoin i investuar, i vlerësuar në 6.600 dollarë, tani vlen 16 milionë dollarë. Ende nuk dihet se kush qëndron pas portofolit që nuk është përdorur për kaq shumë vite, ama ekziton mundesia që te jetë jo vetëm një individ por edhe grup. Portofoli vjen nga koha kur shpikësi legjendar i bitcoin Satoshi Nakamoto u zhduk. Disa e konsiderojnë aktivizimin e kësaj dhe adresave të tjera të vjetra nga kjo kohë si një tregues se ai është ende gjallë. Vetëm në shtator të këtij viti, një portofol po aq i fjetur për vite me radhë, u aktivizua duke bërë bujë të madhe. Pronari transferoi 616 bitcoin dhe më pas i ndau në llogari të ndryshme.