Magjistari zyrtar i Zelandës së re, ndoshta i vetmi magjistar i emëruar nga shteti në botë, ka dalë nga listëpagesa duke i dhënë fund 23 viteve shërbim. Magjistari, emri i vërtetë i të cilit është Ian Brakenbury Channell, 88 vjec, ishte pajtuar nga këshilli i qytetit të Kristcërcit për dy dekadat e shkuara, për ta promovuar qytetin përmes akteve të magjisë dhe shërbimeve të tjera nga ato që ofrojnë zakonisht magjistarët, me një pagë prej 16 mijë dollarësh në vit. Atij i janë paguar kështu gjithsej 368 mijë dollarë deri më tani. Magjistari, që ka lindur në angli, nisi të performonte akte magjie dhe të argëtonte publikun në ambjente të jashtme pak pasi arriti në zelandën e re në 1976. Kur këshilli u përpoq ta ndalonte atë, publiku protestoi. Në 1982, shoqata e drejtorëve të galerive të artit në zelandën e re, tha se ai ishte bërë një vepër arti e gjallë dhe më pas, në 1990, kryeministri i asaj kohe, Mike Moore, i kërkoi që ai të bëhej magjistari i Zelandës së Re. “Jam i shqetësuar se shërbimet e tua nuk shkojnë për të gjithë vendin. Ndaj sugjeroj se duhet të merrni menjëherë në konsideratë sugjerimin tim që të bëheni magjistari i zelandës së re, antarktidës dhe zonave të tjera përtej detit. Pa dyshim do të merreni me bekime, mallkime, magji dhe cështje të tjera të mbinatyrshme që shkojnë përtej kompetencave të një kryeministri”, shkroi ai në një letër. Që atëherë, magjistari ka performuar në Kristcërc, ka kërcyer vallen e shiut në zelandën e re dhe australi në kohë thatësirash dhe është vlerësuar edhe me medaljen e mbretëreshës për shërbim në 2009-ën.