Është diskutuar gjerë e gjatë për ndërhyrjen ruse ne presidencialet amerikane, por duket se pëprpjekje të ngjashme mund të ketë pasur dhe në Ukrainë. Autoritetet vendase kanë nisur një hetim penal rreth përpjekjeve për të ndërhyrë në zgjedhjet presidenciale të Shteteve të Bashkuara në 2020. Andriy Yermak, shef i zyrës së Zelenskiyt, ka tha se do të bëhet gjithçka për të sjellë para drejtësisë ata që kanë tentuar të dëmtojnë lidhjet në mes të Ukrainës dhe Shteteve të Bashkuara. “Byroja Shtetërore e Hetimeve ka nisur hetimet”, citohet të ketë thënë Yermak, në një intervistë për median ukrainas, NV që është publikuar dhe në faqen presidenciale. “Ky hetim është duke vazhduar edhe ne jemi po presim rezultatet. Besojmë se do ti japë përgjigje shumë pyetjeve”, është shprehur ai. Departamenti amerikan i Thesarit sanksionoi në 11 janar dhjetëra individë dhe subjekte ukrainase, duke i akuzuar për ndërhyrje në zgjedhjet amerikane dhe lidhjet me një ligjvënës ukrainas, pro-rus, të lidhur me përpjeket e aleatëve të ish-presidentit amerikan, Donald Trump, për të gjetur informata të dëmshme për presidentin e ri të SHBA-së, Joe Biden që ka mbikqyrur politikat e SHBA ndaj Ukrainës sa kohë ishte zëvendesi I Barak obamës, si dhe djalin e tij, Hunter. Pamjet: AFP