Policia ka arrestuar tre shtetas të shpallur në kërkim, të dënuar për vjedhje dhe drejtim të parregullt të mjetit. Strukturat e Sektorit për Hetimin e Krimeve të Rënda, në bashkëpunim me Seksionin Operacional të Hetimit dhe Komisariatin e Policisë Vlorë, kanë vijuar kontrollet intensive për lokalizimin dhe ndalimin e personave të kërkuar nga drejtësia. Si rezultat i këtyre kontrolleve, është arrestuar një 30 vjeçar, banues në Vlorë, i dënuar nga Gjykata e Shkallës së Parë Vlorë me 1 vit e 6 muaj burg për veprën penale “Vjedhje e kryer në bashkëpunim”. Gjithashtu, janë ndaluar edhe dy persona rë tjerë, të dy banues në Vlorë, të cilët ishin dënuar me nga 4 dhe 2 muaj burgim për drejtim të parregullt të automjetit. Policia e Vlorës vijon kontrollet për kapjen e personave në kërkim dhe garantimin e rendit dhe sigurisë në qytet.