Rrëmbimi i tre policëve të Kosovës 300 km brenda kufirit të vendit nga serbia, ka ndezur sirenat e alarmit. Situata është e tensionuar në maksimum dhe reagimet kanë qenë të shumta. Kryeministri i kosovës, Albin Kurti, thirri këshillin e sigurisë kombëtare mëngjesin e të enjtes dhe pas takimit, bashkë me ministrin e brendshëm, Xhelal Svecla, doli në një konferencë për shtyp. I bëjmë thirrje faktorit ndërkombëtr..../ Kurti ka dhënë detaje për rrëmbimin e tre policëve shqiptarë në territorin e Kosovës nga njësitet speciale ushtarake të Serbisë, për çka ka thënë se është e çuditshme sesi KFOR-i nuk është deklaruar ende pavarësisht fakteve që vërtetojnë se rrëmbimi ka ndodhur në territorin e Kosovës. "Rasti i djeshëm ishte agression ndaj shtetit tonë demokratik, hakmarrje ndaj Policisë së Kosovës që po lufton krimin dhe intencë për eskalim dhe destabilizim në kohën kur ne tashmë kemi propozuar planin 5-pikësh për de-përshkallëzim dhe stabilizim" Ministri i brendshëm Svecla, i quajti në anën tjetër akte kriminale veprimet e serbisë, duke thënë se “rrëmbimi i policëve është një incident jashtëzakonisht i rëndë”.