Një asteroid i madh, shkëmbor, do të fluturojë pranë tokës, javën e ardhshme. 1 km i gjatë, asteroidi është thuajse dy herë e gjysëm më i lartë se Empire State Building dhe është klasifikuar si një asteroid me gjasë i rrezikshëm për shkak të përmasave dhe vizitave të rregullta pranë planetit tonë. Por, nuk ka vend për shqetësim. Vizita e këtij muaji do të jetë në distancë shumë të sigurt me asteroidin që do të kalojë 1,93 milionë kilometra larg tokës, ose 5 herë më larg se hëna. Përllogaritjet e trajektores së tij kanë vetëm një marzhin gabimi prej 133 kilometrash, ndaj nuk ka rrezik përplasjeje me asteroidin. Vëzhguesit e qiellit, nëse do të duan, mund ta shohin kalimin e tij në qiell, dhe koha më e përshtatshme për ta bërë këtë është ora 5 e mëngjesit e 18 janarit, kur ai do të jetë në distancën më të afërt me tokën. I njohur si asteroidi 7482, ai u zbulua në 1994 nga astronomi Robert McNaught në australi. Hera e fundit që ai i është afruar tokës, sipas përllogaritjeve, ka qenë 89 vite më parë, më 17 janar 1933 dhe ajo e radhës, pritet të ndodhë më 18 janar 2105.