30 adoleshentë, mijëra orë trajnim, dhjetëra ëndrra të shkërrmoqura. Gjithcka do të marrë formë javën e ardhshme, kur Blitzers të lancohen në tregun e egër të K-Popit, me shpresën se do të bëhen pasuesit e BTS. Një grup i përbërë vetëm nga djem, si fenomeni muzikor që kryesoi klasifikimet amerikane vitin e kaluar, tre vitet trajnim të tyre do të përmblidhen në vetëm tre minuta muzikë dhe kërcim që do të përcaktojë nëse ata janë një hit apo vetëm një grup i radhës muzikor që do të harrohet shpejt. Rutina, gjithnjë intensive, është ndëshkuese në javët para debutimit të tyre: seanca në palestër, mësime këndimi, reklama dhe rreth 10 orë praktikë kërcimi që në mëngjes herët. Programi i lë atyre më pak se pesë orë gjum në natë në një shtëpi të përbashkët në Seul. Dhe në një studio provash, shtatë të mbijetuarit, po perfeksionojnë singëllin e tyre të parë, Breathe Again, të rrethuar nga një mori menaxherësh, trajnerësh dhe koreografësh.