Kompania Apple do të prezantojë javën e ardhshme produktet më të fundit të saj. Ndonëse nuk dihen detaje se cilat do të jenë ato, shumë analistë presin surpriza. Ka zëra se kompania po punon për produkte të reja si syze smart apo kufje të avancuara, por gjithcka do të zbulohet pas disa ditësh... Apple do të prezantojë produktet e saj më të reja javën e ardhshme dhe pritet të njoftojë edhe update në linjat e saj iPad Pro, iPad mini dhe AirPods. Gjithcka do të prezantohet në një event virtual, që do të mbahet më 20 prill në zyrat qendrore të Apple në Cupertino, të Kalifornisë. Siri i apple ndërkohë e ka bërë të ditur datë, para njoftimit zyrtar, duke iu përgjigjur përdoruesve që pyesnin se kur kompania do të mbajë eventin e prezantimit të produkteve të reja. APPLE pritet të prezantojë një version të rifreskuar të iPad-it, një iPad Pro të update-uar me një displey led super të shndritshëm dhe një iPad mini të rikonceptuar me korniza më të vogla dhe me një ekran më të madh. Kompania po ashtu ka gati edhe gjeneratën e re të AirPods 3, me një dizajn më të kuruar dhe me kontrolle me touch.