Izraeli ka rifilluar sulmet në Gaza me forcë të plotë, tha kryeministri Benjamin Netanyahu gjatë një deklarate në Tel Aviv. Ai shtoi se bëri përpjekje për të kthyer pengjet, ndërsa fajësoi Hamasin se refuzoi propozimet. Netanyahu tha se sulmet e nisura gjatë natës dhe të vazhduara gjatë gjithë ditës janë "vetëm fillimi" I hakmarrjes së Izraelit. Ai tha se vendi I tij do të vazhdojë të luftojë për të arritur qëllimet e tij, duke përfshirë këtu lirimin e të gjithë pengjeve të mbajtura nga Hamasi. Ai pati dhe një mesazh për të gjithë popullin izraelit. "Ne kemi bërë arritje të jashtëzakonshme deri më sot, së bashku ne po ndryshojmë fytyrën e Lindjes së Mesme"., tha Netanyahu ndërsa kërkoi prej tyre që të mos e besojnë propagandën e Hamasit dhe se Izraeli nuk do të ndalet deri sa të arrijë qëllimet e luftës. Për kreun e qeverisë, lufta është duke u fituar, pavarësisht se fushata ushtarake ende nuk ka përfunduar. Një falenderim Netanyahu e pati dhe për miqtë amerikanë, për negociatat dhe propozimin e bërë perj tyre për armëpushimin, të cilin Izraeli e pranoi por jo Hamas.