Kina ka thënë se lufta mund të shpërthejë në cdo kohë, në një paralajmërim drithërues për perëndimin në vazhdë të tensioneve në Taivan. Pekini ka sfiduar SHBA dhe aleatët e saj pasi 56 avionë ushtarakë kinezë hynë në hapësirën e mbrojtur ajrore të Taivanit, të hënën. Kinezja The Global Times, tha se atmosfera paqësore në ishull nuk ekziston më dhe se presioni nga perëndimi ka rezultuar në një ‘ndjesi alarmi se lufta mund të shpërthejë në cdo moment”. Tensionet mes Taipeit dhe Pekinit shënuan një rritje tjetër një ditë më parë, kur liderët e ishullit i kërkuan Kinës të ndalë veprimet e papërgjegjshme provokuese. Ministria tajvaneze e mbrojtjes ngriti avionët e saj ushtarakë për të paralajmëruar ata kinezë. Departamenti amerikan i shtetit e akuzon kinën se po kryen aktivitete ushtarake provokuese që cënojnë paqen dhe stabilitetin rajonal duke shtuar se angazhimi i tij ndaj Tajvanit është i palëkundshëm. Kina u përgjigj përmes mediave të saj duke thënë se demonstrimi i saj i forcës ëhstë një paralajmërim për Tajvanin. “Koha do ta provojë se ky paralajmërim nuk është vetëm një kërcënim verbal”, shkruante Global Times.