Ish-Presidenti amerikan Barack Obama, ka thyer heshtjen lidhur me bashkëshorten e tij Michelle Obama, me të cilën mediet ndëkrombëtare raportonin një krizë në çift, që po I çonte ata drejt ndarjes. Në një bisedë me presidentin e Kolegjit Hamilton, Stephen Tepper, Obama ka pranuar krizën, teksa thekson se po punon shumë për t’u pajtuar me Michelle Obama, duke treguar se dy mandatet e tij në Shtëpinë e Bardhë shkaktuan probleme në martesën e tyre. "Kisha një përçarje të thellë me gruan time", pranoi Obama duke shtuar “Kështu që unë po përpiqem të dal nga kjo situatë duke bërë herë pas here gjëra argëtuese”, shtoi ish-presidenti amerikan. “Më lejoni të them këtë: Padyshim që më ndihmoi që duke u larguar nga Shtëpia e Bardhë të kem pak më shumë kohë për të kaluar me të”, tha ai në një intervistë në CBS Mornings në vitin 2023. Nga ana tjetër kujtojmë se Michelle ka folur më parë për problemet në martesën e saj, duke thënë se gjatë viteve që Barack ishte përfshirë në politikë ajo ishte e fokusuar në rritjen e vajzave të tyre, Sasha dhe Malia. Madje Michelle Obama do të shkonte edhe më tej kur në vitin 2022 të shprehej se "kishte 10 vite kur nuk mund ta duroja burrin tim". Çifti nuk u shfaq bashkë as në funeralin e Presidentit Jimmy Carter, e as në inaugurimin e Donald Trump.