Një avion luftarak F-16 i Tajlandës bombardoi objektiva në Kamboxhia, thanë të dyja palët, ndërsa javë tensionesh të shkaktuara nga një mosmarrëveshjeje kufitare u përshkallëzuan të enjten në përleshje që kanë vrarë të paktën 12 persona, përfshirë 11 civilë.Nga gjashtë avionët luftarakë F-16 që Tajlanda ngriti në fluturim përgjatë kufirit të diskutueshëm, njëri prej tyre hapi zjarr në Kamboxhia dhe shkatërroi një objektiv ushtarak, tha ushtria tajlandeze. Të dy vendet akuzuan njëri-tjetrin për fillimin e përplasjes."Ne kemi përdorur fuqinë ajrore kundër objektivave ushtarake siç ishte planifikuar," u tha gazetarëve një zëdhënës i ushtrisë tajlandeze. Tajlanda gjithashtu mbylli kufirin e saj me Kamboxhian.Ministria e mbrojtjes e Kamboxhias tha se avionët lëshuan dy bomba në një rrugë dhe dënoi fuqimisht agresionin ushtarak të pamatur dhe brutal të Mbretërisë së Tajlandës kundër sovranitetit dhe integritetit territorial të Kamboxhias.Përleshjet erdhën pasi Tajlanda tërhoqi ambasadorin e saj në Kamboxhia të mërkurën vonë dhe tha se do të dëbonte të dërguarin e Kamboxhias në Bangkok, pasi një ushtar i dytë tajlandez brenda një jave humbi një gjymtyrë si pasojë e shpërthimit të një mine tokësore që Bangkoku pretendonte se ishte vendosur së fundmi në zonën e diskutueshme.Ministri i shëndetësisë i Tajlandës tha se 11 civilë, përfshirë një fëmijë, dhe një ushtar u vranë në granatimet me artileri nga forcat kamboxhiane, ndërsa 24 civilë dhe shtatë ushtarë u plagosën. Nuk pati asnjë informacion të menjëhershëm për viktima në Kamboxhia.