Aldo Hasa është vetëdorëzuar në Policinë e Shkodrës, pak orë pasi plagosi 3 bashkëmoshatarë për një konflikt banal. “Për shkak të presionit të Policisë dhe falë negociatave me familjarët e shtetasit A. H., u bë e mundur që rreth orës 20:00, ky shtetas të vetëdorëzohej në Komisariatin e Policisë Shkodër, për veprime të mëtejshme proceduriale”, thotë policia në njoftimin zyrtar ndër të tjera. Sherri me thika ka ndodhur pranë poliklinikës në qendër të qytetit. Rreth orës 12:30, Aldo Hasa pas një konflikti, ka plagosur me thikë 3 bashkëmoshatarë të tij. Shtetasi Xh. P. ndodhet në spital, në kujdesin e mjekëve, ndërsa dy shtetasit e tjerë, pas ndihmës mjekësore, janë larguar në banesë. Sipas burimeve, sherri mes të rinjve ka ndodhur për ngacmime të një vajze, bashkëmoshatare e tyre. Materialet proceduriale në ngarkim të këtij shtetasi I kaluan Prokurorisë, për veprën penale “Plagosja e rëndë me dashje", njofton Policia.