Një 18 vjeçar ka rënë në prangat e Policisë së Lezhës, pasi lëvizte me armë zjarri pa leje. Policia ka ndaluar për kontroll automjetin tip “Range Rover’, me drejtues 18-vjeçarin K. L., dhe pasagjerë 25 vjeçarin J. K., dhe 17 vjeçarin L. K, të cilët u proceduan penalisht. Në momentin kur është sinjalizuar nga Policia, 18 vjeçari ka ndaluar makinën dhe ka tentuar të largohet me vrap duke marrë një çantë dore me vete. Pas disa minutash, Policia ka kapur drejtuesin e mjetit bashkë me çantën e dorës, ku u gjet një armë zjarri pistoletë dhe një krehër me 15 fishekë. 18 vjeçari u arrestua në flagrancë për veprën penale “Prodhimi dhe mbajtja pa leje e armëve, armëve shpërthyese dhe municioneve”, ndërsa dy pasagjerët janë në ndjekje penale për “Moskallëzim krimi”. Materialet procedurale u referuan në Prokurorinë pranë Gjykatës së Rrethit Gjyqësor Lezhë, për veprime të mëtejshme.