Një pishinë transparente në qiell të hapur e cila u hap rreth një mauji më parë në Londër është kërkuar që të izolohet gjatë periudhës së dimrit. Kërkesa erdhi nga banorët e zonës në Londër me arsyen se ngrohja e ujit të pishinës kërkon një energji të madhe elektrike, ndërsa sipas tyre kjo gjë përbën kosto të madhë për shtetin. Sipas mediave të huaja banorët janë shprehur se ngrohja e ujit të pishinës kap një kosto përreth 164 mijë paund. “Po paguajmë për të ngrohur qiellin”, u shpreh një banor. Kjo pishinë mund të përdoret vetëm nga banorët apo të ftuarit e tyre. Rreth një muaji më parë, atëherë kur edhe u hap pishina, ajo ukonsiderua si një ndër pishinat më luksoze në Londër. Me një gjatësi prej 25 metrash, pishina transparente lidh dy prej qiellgërvishtësve më të rinj në Londër, të vendosur në lagjen “Nine Elms”. Pishina është 3 metra e thellë dhe mban rreth 375 mijë litra ujë, ndërsa peshon rreth 50 tonë. E vendosur pranë ambasadës amerikane në Londër, kjo pishinë pa dyshim zë një hapësirë të madhe ku përvec apartamenteve përmban edhe bare, restorante, dyqane dhe disa fasalitetet të tjera për banorët apo turistët.