Një politikane italiane është pezulluar pa pagesë për hyrjen në senatin e vendit pa një pasaportë vaksinimi. Laura Granato, një senatore nga një grup i vogël, L'alternativa c'è, nuk do të paguhet për pezullimin e saj 10 ditor. Ajo refuzoi të tregonte pasaportën e saj digjitale të vaksinimit të martën ndërsa merrte pjesë në një takim ku diskutohej për vetë këtë të fundit. Rojat e kishin lejuar senatoren të hynte në godinë pasditen e të martës për një takim të komisionit të cështjeve kushtetuese. Por incidenti u raportua në kryesinë e senatit që vendosi ta sanksiononte atë. Granato nuk do të lejohet të hyjë në ndërtesën e parlamentit italian dhe as të marrë pjesë në punimet e tij. Që nga e premtja, punonjësit në cdo vend pune në itali duhet të paraqisin pasaportën e vaksinimit ose test negativ të kohëve të fundit. Ata që refuzojnë ti binden rregullit të ri, rrezikojnë pezullimin e pagës dhe gjobë. Granato, partia e të cilës është krijuar nga anëtarë disidentë të lëvizjes 5 Yjet, ka kundërshtuar masat e reja, pavarësisht paralajmërimeve nga zyrtarët. Edhe pse më shumë se 85 për qind e italianëve mbi moshën 12 vjec kanë marrë të paktën njërën dozë të vaksinës, besohet se rreth 3 milionë punonjës nuk janë të vaksinuar. Vendimi për ta bërë pasaportën e vaksinimit të detyrueshme, po ashtu ka ndezur protesta në itali.