Këtë javë, Kina ndezi reaktorin e saj të shkrirjes bërthamore. Dielli artificial, është i njohur si EAST dhe pas ndezjes së tij, kina pikasi nivele rekord temperaturash. Sipas medias shtetërore kineze, reaktori EAST cliroi nxehtësi pesë herë më të madhe se ajo e diellit për më shumë se 17 minuta. Kina thotë se qëllimi i reaktorit të shkrirjes bërthamore është që të sigurojë energji të pastër. Shpresohet se reaktori do të mund të imitojë reaksionet natyrore që ndodhin brenda yjeve si dielli. Ideja në fakt ka qarkulluar prej vitesh. Sidoqoftë, krijimi i një dielli artificial që funksionon mirë ka rezultuar i vështirë pavarësisht dekadave kërkime. Kjo përpjekje e fundit, sidoqoftë, mund ta ndihmojë kinën të shembë pengesat që kanë stepur kërkuesit prej vitesh. Nëse Kina do të vazhdojë punën me diellin e saj artificial, arritje të tjera priten në të ardhmen. 17 minuta mund të mos duket një kohë e gjatë, por të kesh një temperaturë prej 70 milionë gradësh celcius për një periudhë kaq të gjatë, është e jashtëzakonshme. Më herët ndërkohë, kërkuesit kanë mundur ta cojnë temperaturën deri në 100 milionë gradë celcius, por për një interval kohe më të shkurtër. Ideja pas reaktorit të shkrirjes bërthamore, nuk është edhe aq e thjeshtë. E gjithë baza e idesë është ndërtuar mbi imitimin e fizikës së diellit të vërtetë. diejt artificialë, e bëjnë këtë përmes shkrirjes së bërthamave atomike në mënyrë që ato të gjenerojnë sasi të mëdha energjie. Kërkuesit më pas përpiqen të gjejnë mënyra që e gjithë ajo energji të kthehet në elektricitet. Procesi është shumë më i komplikuar se kaq, por kjo është baza mbi të cilën shkencëtarët po punojnë për momentin. Duke qenë se diejt artificialë nuk kërkojnë karburante fosile, dhe as nuk lënë pas mbetje të rrezikshme, shkencëtarët thonë se ata nuk sjellin asnjë rrezik për ambjentin. Kina, nuk është sidoqoftë i vetmi vend që po punon për të krijuar diellin artificial. Në këto gjurmë po punon edhe franca e britania e madhe.