Është ndarë nga jeta në moshën 92 vjecare murgesha shqiptare Marije Kaleta, e cila frymëzoi Papa Françeskun me besimin e saj të guximshëm nën persekutimin komunist. Kaleta rrezikoi jetën e saj për të sjellë Kungimin e Shenjtë për të sëmurët dhe ata që vdisnin nën regjimin e diktatorit Enver Hoxha. Nën regjimin e këtij të fundit u shkatërrun më shumë së 2000 kisha e xhami, ndërsa u përpoq deri në fund që ta kthente shtetin në një vend ateist. Marije Kaleta gjatë një takimi në vitin 2014 me Papa Franceskun në Shqipëri, tregoi historinë se si pagëzoi foshnjat në fshehtësi gjatë kësaj kohe persekutimi. Historia dhe rrëfimet e saj përlotën Papa Franceskun, sa e përmendi atë në një predikim katër vjet më vonë si “një shembull i bukur i Kishës si nënë”. Kaleta vdiq më 2 janar në manastirin e saj në Shkodër, në veri të Shqipërisë.