Vendosja e flamurit kombëtar shqiptar është konsideruar shkelje ligji në komunën e Preshevës. Gjykata serbe ka thirrur kryetarin e komunës së Preshevës, Shqiprim Arifin për këtë çështje. Përmes një postimi në Tëitter, Arifi shprehet se kjo ftesë është një tjetër dëshmi e diskriminimin me të cilin përballen shqiptarët e Luginës së Preshevës. Tëitter Arifi: “Sot kam pranuar një ftesë për paraqitje në gjykaten e Serbisë, me arsyetimin se kemi shkelur ligjet shtetit me vendosjen e flamurit kombëtar shqiptar. Kjo ftesë është dëshmi për shkeljet & diskriminimin që përballen shqiptarët e Luginës!Për flamur do të paguajmë gjithmonë.” Në dokumentin zyrtar lëshuar nga Gjykata e Serbisë thuhet se është shkelur neni 41 pika 3 për shkak të përdorimit të flamurit kombëtar dhe himnit të Shqipërisë. Ndërkohë përmes rrjeteve sociale, Arifi bën thirrje që çështja e shqiptarëve të Luginës së Preshevës të jetë angazhim i dy qeverive të Shqipërisë dhe Kosovës.