Institucionet evropiane qeverisen sot nga një shumicë pro luftës dhe ne jemi vetëm një hap larg dërgimit të trupave perëndimore në ukrainë”, shkruan kryeministri hungarez Viktor Orban në Facebook. “Në evropë, mbizotëron atmosfera e luftës, politika dominohet nga logjika e luftës. Unë shoh që të gjithë po përgatiten për luftë”, shkruan më tej Orban. “Ne jemi vetëm një hap larg dërgimit të trupave perëndimore në Ukrainë. Kjo është një vorbull lufte që mund ta shtyjë evropën drejt abisit. Brukseli po luan me zjarrin”, shkruante kryeministri hungarez në një paragraf tjetër. “Ne hungarezët, e dimë se si është lufta. Jemi përfshirë disa herë në luftë...ne nuk duam luftë dhe nuk duam që Hungaria të bëhet edhe një herë një park lojërash i fuqive të mëdha. Ndaj ne duhet të luftojmë për paqen, në vendin tonë, në bruksel, në uashington, në kombet e bashkuara dhe në nato”, përfundoi Orban. Ky i fundit, është ndër liderëve të vetëm evropianë që ka mbajtur kontakte me presidentin rus Vladimir Putin, pavarësisht pushtimit të ukrainës dhe ka thënë në mënyrë të përsëritur se kundërshton dërgimin e më shumë parave dhe armëve në Kiev. Ai po ashtu dihet se adhuron ish presidentin amerikan Donald Trump. Pak kohë më parë, Orban ishte në shba ku u takua me Trump, të cilin edhe e quajti ‘një njeri të paqes”, Pas takimit, orban tha se nëse Donald Trump rizgjidhet president, nuk do ti japë as edhe një qindarkë ndihmë ukrainës e kështu, lufta do të përfundojë menjëherë pasi dihet se kievi nuk mund të qëndrojë në këmbët e veta.