Zonja e Parë, Melanie Trump ka pritur për herë të fundit pemën e Krishtlindjeve për ta vendosur në Shtëpinë e Bardhë. Ajo e priti e vetme bredhin tradicional pa praninë e presidentit Donald Trump. Bredhi 5,5 metra i gjatë shkoi në Shtëpinë e Bardhë nëpërmjet karrocave më kuaj duke ndjekur një traditë të vjetër të kësaj feste. Si gjithmonë Melanie ishte veshur plot elegancë. Ajo kishte veshur një pallto bardhezi Balenciaga, doreza të zeza lëkure si dhe çizme me taka të larta. Zonja e Parë I zbriti shkallët e Shtëpisë së Bardhë me ndihmën e një marinsi. Pavarësisht se Shtetet e Bashkuara të Amerikës janë vendi më i prekur nga pandemia e Covid-19, festimet tradicionale nuk do të ndalohen. Festimet për Krishtlindje dhe për Vitin e Ri do të mbahen në SHBA edhe pse me numër të reduktuar njerëzish.