Pasuritë e të shumëkërkuarit Ervis Martinajt do të qëndrojnë nën sekuestro, teksa Gjykata e Apelit vendosi të rrëzojë ankimimin e familjarëve. Me anë të një komunikimi për mediat bëhet me dije se është lënë në fuqi vendimi pasi ka dyshime të arsyeshme se këto pasuri kryesisht në Fushëkuqe, Patok dhe Lezhë janë vendosur nga veprimtari e jashtëligjshme e kryer nga Martinaj, i cili rezulton i zhdukur prej më shumë se gjashtë muajsh. Urdhri për sekuestro I 34 pasurive I firmosur nga kreu i SPAK, Altin Dumani, prokurori Behar Dibra dhe prokurorja Enkeleda Millonai nisi të zbatohej prej mëngjesit të kësaj të mërkure.