Qipro ka pezulluar skemën që i garanton shtetësi dhe udhëtim pa viza në BE për ata që investojnë minimumi 2 milionë euro në vend. Kjo vjen pasi gazetarë të al jazeera-s, filmuan zyrtarë qipriotë që përdornin skemën për të ndihmuar një biznesmen të rremë kinez me të shkuar kriminale. Një nga të filmuarit ishte kryetari i parlamentit të qipros, demetris syllouris, që tha se do të dorëhiqej pasi një hetim i nisur të përfundonte. Pezullimi do të hyjë në fuqi nga muaji i ardhshëm. Syllouris, që është zyrtari i dytë më i lartë në vend, tha se do të tërhiqej nga posti më 19 tetor. Në pamjet e filmuara nga gazetarët e al jazeera-s, dhe të publikuara të hënën, Syllouris duket se ofron ndikimin e tij për të ndihmuar në dhënien e shtetësisë për një biznesmen të rremë. Të martën, syllouris publikoi një deklaratë ku kërkoi ndjesë për pamjet e pakëndshme dhe për shqetësimin që mund të ketë shkaktuar. Deklarata e tij erdhi pasi qeveria tha më herët se kishte miratuar një propozim për të pezulluar skemën, shtetësi për investime, pas një sesioni emergjence të martën. Siaps zyrës së presidentit, propozimi ishte bërë si pasojë e një dobësie në skemë që mund të shfrytëzohej. Qipro, që u anëtarësua në BE në 2004, aktualisht ofron pasaporta, që njihen ndryshe edhe pasaporta të arta, për shtetasit nga jashtë BE që bëjnë investime të mjaftueshme në vend. Edhe disa shtete të tjera të BE dhe britania e madhe po ashtu, ofrojnë viza të arta rezidence në këmbim të investimeve të mëdha.