Motori i një avioni Boeing shpërtheu në flakë, në ajër, duke e detyruar avionin të bënte një ulje emergjence dhe përvoja ishte aq e frikshme për personat që ndodheshin në bord, saqë një pasagjer madje u dërgoi mesazhe lamtumire të dashurve të tij. Një video e filmuar me telefonin e një pasagjeri tregon incidentin e tmerrshëm, ndërsa flakët dilnin nga motori i avionit. Ngjarja ndodhi menjëherë pas ngritjes nga ishulli popullor i pushimeve, Korfuz. Avioni kishte arritur tashmë një lartësi prej 10 km kur regjistori një ndërprerje të rrjedhës së ajrit të turbinës. Ai ishte në rrugë për në Düsseldorf, por shpërthimi i flakëve i detyroi pilotët të bënin një ulje emergjence në Brindisi të Italisë. Avioni u ul në aeroportin italian vetëm 40 minuta pas ngritjes në fluturim të shtunën në mbrëmje. Pasagjerët e tmerruar po ndajnë tani përvojat e tyre të momentit tronditës. Një person në bord i tha Bild: "Papritmas, energjia elektrike u ndërpre për disa sekonda dhe kuptuam se nuk po ngjiteshim më”. Një tjetër tha: "Ishte një përvojë e tmerrshme. Unë dërgova edhe mesazhe lamtumire sepse mendova se cdo gjë kishte mbaruar".