Nato dhe Uashingtoni do të koordinohen për të tërhequr trupat nga afganistani. Pas vendimit të SHBA për tërheqjen e trupave edhe sekretari i përgjithshëm i NATO-s tha se edhe 7 mijë trupat e natos që ndodhen në Afganistan do të largohen duke filluar nga 1 maji Pas shteteve të bashkuara, edhe NATO tha se do të tërheqë të gjitha forcat e saj nga afganistani. Shefi i NATO-s Jens Stoltenberg, pasi u takua të mërkurën me Sekretarin amerikane të Shtetit Anthony Blinken dhe Sekretarin e Mbrojtjes Lloyd Austin, njoftoi në një konferencë për shtyp se rreth 7000 trupa të NATO-s do të tërhiqen. "Ne do të fillojmë tërheqjen e forcave të Mbështetjes së Vendosur të NATO-s deri në 1 maj. Kemi në plan të përfundojmë tërheqjen e të gjitha trupave tona brenda disa muajsh. Shkuam në Afganistan së bashku, kemi përshtatur praninë tonë së bashku dhe jemi të bashkuar në largimin së bashku" Sipas stoltenberg, çdo sulm ndaj tërheqjes së forcave të NATO-s do të merrte një përgjigje të fortë nga aleanca. Më herët, Sekretari amerikan i Shtetit tha se koalicioni i trupave të drejtuara nga NATO-ja në Afganistan do të largohet nga vendi në koordinim me tërheqjen e planifikuar të forcave amerikane deri më 11 shtator. Sekretari Blinken tha në Bruksel se është koha që aleatët e NATO-s të venë në jetë premtimin e aleancës se ata shkuan në Afganistan së bashku dhe do të largohen së bashku.